திருச்சி, மார்ச்.12-
திருச்சி எல்.ஐ.சி.காலனியை சேர்ந்தவர் மீனாட்சி சுந்தரம். இவர் வீட்டை பூட்டிவிட்டு வெளியூர் சென்று இருந்தார். நேற்று இரவு 8 மணி அளவில் அவருடைய வீட்டில் இருந்த மின்சாரம் சேமிக்கும் பேட்டரியில் ஏற்பட்ட மின்கசிவு காரணமாக திடீர் தீ விபத்து ஏற்பட்டது. இதில் வீட்டினுள் இருந்த பிரிட்ஜ் மற்றும் அட்டை பெட்டிகள், சில சாமான்கள் தீப்பிடித்து வீடு முழுவதும் புகை மண்டலமாக மாறியது. இதை கண்ட அக்கம்பக்கத்தினர் தீயணைப்புத்துறையினருக்கு தகவல் தெரிவித்தனர். இதையடுத்து மின்ஊழியர்கள் அந்த பகுதியில் மின்சாரத்தை துண்டித்தனர். சம்பவ இடத்துக்கு வந்த தீயணைப்பு வீரர்கள் தண்ணீரை பீய்ச்சி அடித்து தீயை மேலும் பரவவிடாமல் தடுத்து அணைத்தனர். பின்னர் வீட்டில் இருந்த கியாஸ் சிலிண்டரை வெளியே கொண்டு வந்து வைத்தனர். இந்த தீ விபத்து குறித்து கே.கே.நகர் போலீசார் விசாரித்து வருகிறார்கள்.
திருச்சி எல்.ஐ.சி.காலனியை சேர்ந்தவர் மீனாட்சி சுந்தரம். இவர் வீட்டை பூட்டிவிட்டு வெளியூர் சென்று இருந்தார். நேற்று இரவு 8 மணி அளவில் அவருடைய வீட்டில் இருந்த மின்சாரம் சேமிக்கும் பேட்டரியில் ஏற்பட்ட மின்கசிவு காரணமாக திடீர் தீ விபத்து ஏற்பட்டது. இதில் வீட்டினுள் இருந்த பிரிட்ஜ் மற்றும் அட்டை பெட்டிகள், சில சாமான்கள் தீப்பிடித்து வீடு முழுவதும் புகை மண்டலமாக மாறியது. இதை கண்ட அக்கம்பக்கத்தினர் தீயணைப்புத்துறையினருக்கு தகவல் தெரிவித்தனர். இதையடுத்து மின்ஊழியர்கள் அந்த பகுதியில் மின்சாரத்தை துண்டித்தனர். சம்பவ இடத்துக்கு வந்த தீயணைப்பு வீரர்கள் தண்ணீரை பீய்ச்சி அடித்து தீயை மேலும் பரவவிடாமல் தடுத்து அணைத்தனர். பின்னர் வீட்டில் இருந்த கியாஸ் சிலிண்டரை வெளியே கொண்டு வந்து வைத்தனர். இந்த தீ விபத்து குறித்து கே.கே.நகர் போலீசார் விசாரித்து வருகிறார்கள்.