பழனி முருகன் கோவில் மின்இழுவை ரெயிலில் ரூ.5 லட்சத்தில் புதிய ரோப்

பழனி:
பழனி முருகன் கோவிலுக்கு அடிவாரத்தில் இருந்து செல்ல படிப்பாதை, யானைப்பாதை உள்ளது. மேலும் முதியோர்கள், குழந்தைகள், மாற்றுத்திறனாளிகள் செல்வதற்கு மின்இழுவை ரெயில், ரோப்கார் ஆகிய சேவைகளும் உள்ளன. இதில் மின்இழுவை ரெயில் மூலம் தினமும் ஏராளமான பக்தர்கள் சென்று வருகின்றனர். பழனி மேற்கு கிரிவீதியில் உள்ள நிலையத்தில் இருந்து வெற்றிவேல், வீரவேல், திருப்புகழ் என 3 மின்இழுவை ரெயில்கள் இயக்கப்படுகிறது.
இந்தநிலையில் கடந்த சில நாட்களுக்கு முன்பு திருப்புகழ் மின்இழுவை ரெயிலில் பராமரிப்பு பணி மேற்கொள்ளப்பட்டது. அப்போது மின்இழுவை ரெயிலில் பொருத்தப்பட்டிருந்த ரோப் தேய்மானம் அடைந்ததால், புதிய ரோப் மாற்ற முடிவு செய்யப்பட்டது. அதைத்தொடர்ந்து திருப்புகழ் மின்இழுவை ரெயிலில் ரூ.5 லட்சத்தில் புதிய ரோப் பொருத்தப்பட்டது.