பெண்ணுக்கு கொலை மிரட்டல் விடுத்தவர் கைது

அரியலூர் மாவட்டம், ஜெயங்கொண்டம் அருகே உள்ள இலையூர் கோரியம்பட்டி நடுத்தெருவை சேர்ந்தவர் அறிவழகன். இவரது மனைவி ஷகிலா(வயது 43). சம்பவத்தன்று இவர், வீட்டில் இருந்தபோது அங்கு குடிபோதையில் வந்த அவரது நாத்தனார் மகன் பாபா என்கிற பிரபாகரன் (27) அத்தை உறவான ஷகிலாவுடன் தகராறு செய்து தகாத வார்த்தைகளால் திட்டி தாக்கி கொலை மிரட்டல் விடுத்ததாக கூறப்படுகிறது. இதுகுறித்து  ஜெயங்கொண்டம் போலீசில் ஷகிலா புகார் அளித்தார். புகாரின்பேரில் போலீசார் வழக்குபதிந்து பிரபாகரனை கைது செய்து விசாரணை நடத்தி வருகின்றனர்.