அந்தியூர் கால்நடை சந்தையில் கொங்கு காளை மாடு ஜோடி ரூ.1¾ லட்சத்துக்கு விற்பனை

அந்தியூர்

அந்தியூர் கால்நடை சந்தையில் கொங்கு காளை மாடு ஜோடி ரூ.1¾ லட்சத்துக்கு விற்பனை ஆனது.

அந்தியூர் கால்நடை சந்தை நேற்று   முன்தினம் கூடி யது. இதற்கு ஈரோடு, பர்கூர், மேட்டூர், பண்ணவாடி, கொளத்தூர், எடப்பாடி மற்றும் கர்நாடக மாநிலத்தில் இருந்து ஏராளமான கால்நடைகளை விவசாயிகள் பிடித்து வந்திருந்தனர்.

இதில் கொங்கு காளை மாடு ஜோடி குறைந்தபட்ச விலையாக ரூ.80 ஆயிரத்துக்கும், அதிகபட்ச விலையாக ரூ.1 லட்சத்து 75 ஆயிரத்துக்கும், காங்கேயம் காளை மாடு ஜோடி குறைந்தபட்ச விலையாக ரூ.80 ஆயிரத்துக்கும், அதிகபட்ச விலையாக ரூ.1 லட்சத்து 40 ஆயிரத்துக்கும், நாட்டு பசு மாடு ஒன்று குறைந்தபட்ச விலையாக ரூ.30 ஆயிரத்துக்கும், அதிகபட்ச விலையாக ரூ.60 ஆயிரத்துக்கும் விலை போனது.

சிந்து பசுமாடு ஒன்று ரூ.20 ஆயிரம் முதல் ரூ.35 ஆயிரம் வரையும், ஜெர்சி பசு மாடு ஒன்று ரூ.25 ஆயிரம் முதல் ரூ.40 ஆயிரம் வரையும், எருமை மாடு ஒன்று ரூ.30 ஆயிரம் முதல் ரூ.65 ஆயிரம் வரையும், பர்கூர் காளை மாடுகள் ஜோடி ரூ.15 ஆயிரம் முதல் ரூ.30 ஆயிரம் வரையும், பர்கூர் இன பசு மாடு ஒன்று ரூ.10 ஆயிரம் முதல் ரூ.20 ஆயிரம் வரையும், கன்றுக்குட்டிகள் ரூ.5 ஆயிரம் முதல் ரூ.15 ஆயிரம் வரையும் விற்பனை செய்யப்பட்டது. ஈரோடு, சத்தியமங்கலம், மேட்டுப்பாளையம் மற்றும் கர்நாடக மாநிலத்தில் இருந்து வந்த வியாபாரிகள் கால்நடைகளை விலை பேசி பிடித்து சென்றனர்.