ரியல் எஸ்டேட் அலுவலகத்தில் திருட்டு

திருவெறும்பூர் மலைக்கோவில் சன்னதி வீதி தெருவை சேர்ந்தவர் சக்திவேல்(வயது 48). இவர், திருவெறும்பூர் ஒன்றியம் திருநெடுங்குளம் ஊராட்சிக்கு உட்பட்ட பகுதியில் ரியல் எஸ்டேட் தொழில் செய்து வருகிறார். அவரது அலுவலகம் அப்பகுதியில் உள்ள சுங்கச்சாவடி அருகே உள்ளது. இந்நிலையில் நேற்று இரவு அவரது ரியல் எஸ்டேட் அலுவலகத்தின் பூட்டை உடைத்து மர்ம நபர்கள் உள்ளே புகுந்து ரூ.25 ஆயிரம், கம்ப்யூட்டர் மற்றும் பல்வேறு பொருட்களை திருடி சென்றனர். இதுகுறித்து சக்திவேல் துவாக்குடி போலீசில் புகார் அளித்தார். அதன்பேரில், சப்-இன்ஸ்பெக்டர் உலகநாதன் தலைமையிலான போலீசார் இதுகுறித்து வழக்குப்பதிவு செய்து விசாரணை நடத்தி வருகின்றனர்.