பஸ்சில் இருந்து தவறி விழுந்து முதியவர் சாவு

நெல்லை:

நெல்லை அருகே உள்ள மேலச்செவல் பகுதியை சேர்ந்தவர் ரியாவூதீன் (வயது 76). இவர் நேற்று முன்தினம் இரவு நெல்லை புதிய பஸ் நிலையத்தில் இருந்து செங்கோட்டைக்கு செல்லக்கூடிய தனியார் பஸ்சில் ஏறினார். அப்போது படிக்கட்டில் நின்று கொண்டிருந்தபோது எதிர்பாராதவிதமாக திடீரென தவறி கீழே விழுந்தார். அதில் காயமடைந்த அவரை அருகில் இருந்தவர்கள் மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு அங்கு சிகிச்சை பலனின்றி அவர் பரிதாபமாக உயிர் இழந்தார்.

இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.