தினத்தந்தி புகார் பெட்டி
தஞ்சை மாவட்டத்தில் உள்ள குறைகள் புகார் பெட்டியில் கூறப்பட்டுள்ளது.
போக்குவரத்து இடையூறு
தஞ்சை மாவட்டம் கும்பகோணம் மேம்பாலம் பகுதி கஸ்தூரிபாய்சாலை தொடங்கி இளங்கோநகர் வரை ரெயில்வே குட்ஷெட்க்கு செல்வதற்காக நெல் மூட்டைகளுடன் லாரிகள் நீண்ட வரிசையில் நிறுத்தி வைக்கப்படுகின்றன. இதனால் மேற்கண்ட பகுதியில் அடிக்கடி போக்குவரத்து நெரிசல் ஏற்படுகிறது. குறிப்பாக ஒரு சில லாரிகள் போக்குவரத்துக்கு இடையூறாக நிறுத்தப்படுகின்றன. இதன் காரணமாக அந்த வழியாக பள்ளி, கல்லூரிக்கு செல்லும் மாணவ-மாணவிகள் மற்றும் வேலைக்கு செல்வோர்கள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் போக்குவரத்துக்கு இடையூறாக லாரிகள் நிறுத்தப்படாமல் இருக்க நடவடிக்கை எடுப்பார்களா?
-பொதுமக்கள், கும்பகோணம்.