சமயபுரம் கோவில் உண்டியல் வருவாய் ரூ.80 லட்சம

அம்மன் கோவில்களில் மிகவும் பிரசித்தி பெற்ற சமயபுரம் மாரியம்மன் கோவிலில் உண்டியல்கள் மூலம் பக்தர்களால் செலுத்தப்படும் காணிக்கைகளை மாதம் 2 முறை எண்ணப்படுவது வழக்கம். அதன்படி இந்த மாதம் முதன் முறையாக நேற்று கோவில் இணை ஆணையர் கல்யாணி மற்றும் இந்து சமய அறநிலைய ஆட்சித்துறை அதிகாரிகள் முன்னிலையில் 33 உண்டியல்கள் திறந்து காணிக்கைகள்  எண்ணப்பட்டன. இதில் காணிக்கையாக ரூ.80 லட்சத்து 40 ஆயிரத்து 975 ரொக்கமும், 2 கிலோ 134 கிராம் தங்கமும், 2 கிலோ 360 கிராம் வெள்ளியும், அயல்நாட்டு பணம் 46-ம் கிடைத்துள்ளதாக கோவில் நிர்வாகம் தெரிவித்துள்ளது. உண்டியல் காணிக்கை எண்ணும் பணியில் கோவில் பணியாளர்கள் மற்றும் ஊழியர்கள் ஈடுபட்டனர்.