மாரியம்மன் கோவிலில் உண்டியல் எண்ணிக்கை

சாத்தூர், 

சாத்தூர் அருகே உள்ள இருக்கன்குடி மாரியம்மன் கோவிலில் ஒவ்வொரு மாதமும் உண்டியல் திறக்கப்பட்டு எண்ணப்படுவது வழக்கம். அதேபோல  10 உண்டியல்கள், ஒரு கால்நடை மற்றும் அன்னதான உண்டியல் திறக்கப்பட்டு காணிக்கை எண்ணும் பணி நடைபெற்றது. இதில் பக்தர்களிடம் இருந்து காணிக்கையாக ரூ. 60 லட்சத்து 74 ஆயிரத்தி 429 கிடைத்தது. அதேபோல  302 கிராம் தங்கம், 950 கிராம் வெள்ளியும் கிடைத்தது. காணிக்கை எண்ணும் பணியில் சாத்தூர், மதுரை, துலுக்கப்பட்டி ஆகிய பகுதிகளை சேர்ந்த ஓம்சக்தி பக்தர் குழு மற்றும் ஐயப்ப சேவா சங்கம், கோவில் ஊழியர்கள் கலந்து கொண்டனர். இந்த பணியை இந்து சமய அறநிலைய துறை விருதுநகர் கோவில்களின் உதவி ஆணையர் வளர்மதி, இருக்கன்குடி கோவில் ஆணையர் கருணாகரன் ஆகியோரின் தலைமையில் பரம்பரை அறங்காவலர் தலைவர் ராமமூர்த்தி மற்றும் அறங்காவலர் குழுவினர், ஆய்வாளர்கள் ஆகியோர் பார்வையிட்டனர்.