சாராயம் கடத்திய 2 பேர் கைது
திருமருகல் அருகே சாராயம் கடத்திய 2 பேரை போலீசார் கைது செய்தனர்.
திட்டச்சேரி:
திருமருகல் அருகே கணபதிபுரத்தில் போலீசார் வாகன சோதனையில் ஈடுபட்டனர்.அப்போது அந்த வழியாக வேகமாக 2 மோட்டார்சைக்கிள்கள் வந்தது.அந்த மோட்டார் சைக்கிள்களை சந்தேகத்தின்பேரில் மறித்து போலீசார் சோதனை நடத்தினர்.சோதனையில் மோட்டார் சைக்கிள்களில் இருந்த மூட்டையில் 110 லிட்டர் சாராயம் இருந்தது. இதை தொடர்ந்து மோட்டார் சைக்கிள்களில் வந்த 2 பேரிடம் விசாரணை நடத்தினர். இதில் அவர்கள் காரைக்கால் அருகே விழிதியூர் மெயின் ரோட்டை சேர்ந்த பாஸ்கர் (வயது43), திருநள்ளாறு பேட்டை வடகிழக்குத்தெருவை சேர்ந்த சத்தியமூர்த்தி (35) என்பதும், இவர்கள் காரைக்கால் பகுதியில் இருந்து சாராயத்தை மோட்டார் சைக்கிளில் நன்னிலம் பகுதிக்கு கடத்தி சென்றதும் தெரிய வந்தது. இதுகுறித்து போலீசார் வழக்குப்பதிவு செய்து பாஸ்கர், சத்திய மூர்த்தி ஆகிய 2 பேரையும் கைது செய்து அவர்களிடம் இருந்து 110 லிட்டர் சாராயம் மற்றும் கடத்தலுக்கு பயன்படுத்திய 2 மோட்டார் சைக்கிள்களையும் பறிமுதல் செய்தனர்