சத்தியமங்கலம் மார்க்கெட்டில் மல்லிகைப்பூ கிலோ ரூ.612-க்கு ஏலம்

சத்தியமங்கலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட்டில் தினமும் காைல 7 மணி முதல்  மதியம் 2 மணி வரை பூக்கள் ஏலம் நடைபெறும். அதன்படி நேற்று பூக்கள் ஏலம் நடைபெற்றது. 

இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளை சேர்ந்த ஏராளமான விவசாயிகள் 2 டன் பூக்களை விற்பனைக்காக கொண்டு வந்திருந்தனர். 

நேற்றைய ஏலத்தில் மல்லிகைப்பூ கிலோ ஒன்று ரூ.612-க்கும், முல்லை பூ ரூ.500-க்கும், காக்கடா ரூ.450-க்கும், செண்டுமல்லி ரூ.16-க்கும், பட்டுப்பூ ரூ.50-க்கும், கனகாம்பரம் ரூ.260-க்கும், சம்பங்கி ரூ.60-க்கும், அரளி ரூ.150-க்கும், துளசி ரூ.30-க்கும், செவ்வந்தி ரூ.200-க்கும் ஏலம் போனது.