மோட்டார் சைக்கிளில் இருந்து தவறி விழுந்தவர் சாவு

கரூர் அருகே உள்ள வெள்ளாளப்பட்டியை சேர்ந்தவர் முருகேசன்(வயது 32). தனியார் நிறுவன ஊழியரான இவர் நேற்று முன்தினம் தனது மோட்டார் சைக்கிளில் குழந்தாகவுண்டனூர் அருகே உள்ள அம்மன் நகர் பிரிவு சாலை அருகே சென்றுகொண்டு இருந்தார். 

அப்போது திடீரென நிலை தடுமாறி கீழே விழுந்த முருகேசனுக்கு தலை உள்ளிட்ட இடங்களில் பலத்த காயம் ஏற்பட்டது. இதையடுத்து அவரை அருகில் இருந்தவர்கள் மீட்டு சிகிச்சைக்காக காந்திகிராமத்தில் அமைந்துள்ள அரசு மருத்துவக்கல்லூரி மருத்துவமனைக்கு கொண்டு சென்றனர்.  அங்கு அவர் சிகிச்சை பலனின்றி பரிதாபமாக  உயிரிழந்தார். இதுகுறித்து தாந்தோணிமலை போலீஸ் இன்ஸ்பெக்டர் செந்தில்குமார் வழக்குப்பதிவு செய்து விசாரணை நடத்தி வருகிறார்.