சைக்கிள் திருடியவர் கைது

கோவில்பட்டி:

கோவில்பட்டி செக்கடி தெருவை சேர்ந்தவர் பொய்யாழி (வயது 55). இவர் சம்பவத்தன்று இரவு தனது வீட்டின் முன்பு சைக்கிளை நிறுத்திவிட்டு, காலையில் பார்த்தபோது அதை காணவில்லை. இதுதொடர்பாக கோவில்பட்டி கிழக்கு போலீசில் அவர் புகார் செய்தார். அதன்பேரில் போலீசார் வழக்குப்பதிவு செய்து, சைக்கிளை திருடியதாக சங்கரலிங்கபுரம் 6-வது தெருவைச் சேர்ந்த மாடசாமியை (47) கைது செய்தனர். அவரிடம் இருந்து சைக்கிள் மீட்கப்பட்டது.