கும்பாபிஷேகத்தில் 2 பேரிடம் 8 பவுன் சங்கிலி அபேஸ்

அரிமளம் ஒன்றியத்திற்கு உட்பட்ட சீகம்பட்டி கிராமத்தை சேர்ந்தவர் பாலமுருகன். இவருடைய மனைவி நந்தினி (வயது 27). சம்பவத்தன்று அரிமளத்தில் நடைபெற்ற கோவில் கும்பாபிஷேகத்தில் பங்கேற்பதற்காக நந்தினி தனது மகனுடன் சென்றிருந்தார். அப்போது அவரது மகன் யோஜித் அணிந்திருந்த 2 பவுன் தங்கச்சங்கிலியை கூட்டத்தை பயன்படுத்தி மர்ம நபர்கள் யாரோ அபேஸ் செய்தனர். இதேபோல, கீழப்பனையூரை அடுத்துள்ள வையாபுரிபட்டி கிராமத்தை சேர்ந்த பாலசண்முகம் மனைவி செல்லம்மாள் (75), அங்கு நடைபெற்ற அய்யனார் கோவில் கும்பாபிஷேகத்தில் பங்கேற்றார். அப்போது கூட்டநெரிசலில் மூதாட்டி கழுத்தில் அணிந்திருந்த 6 பவுன் சங்கிலியை மர்ம நபர்கள் அபேஸ் செய்து விட்டனர். இதுகுறித்து புகாரின்பேரில் அரிமளம் போலீசார் வழக்குப்பதிவு செய்து விசாரணை நடத்தி வருகின்றனர்.