படப்பை அருகே ஆக்கிரமிப்புகளை அகற்ற பொதுமக்கள் எதிர்ப்பு

காஞ்சீபுரம் மாவட்டம் படப்பை அடுத்த மணிமங்கலம் புஷ்பகிரி பகுதிகளில் ஆக்கிரமி்ப்புகளை அகற்றும் நடவடிக்கையில் ஈடுபடுவதற்காக மாவட்ட வருவாய் அலுவலர் பன்னீர்செல்வம், ஸ்ரீபெரும்புதூர் ஆர்.டி.ஓ. சைலேந்திரன், தாசில்தார் பிரியா ஆகியோரின் உத்தரவின் பேரில் போலீசார் குவிக்கப்பட்டனர். 9 பொக்லைன் எந்திரங்கள், 2 தீயணைப்பு வாகனங்கள், 2 ஆம்புலன்ஸ் வண்டிகள் வரவழைக்கப்பட்டு படப்பை புஷ்பகிரி சாலையில் நிறுத்தப்பட்டிருந்தன.

இதனை பார்த்த அந்த பகுதி மக்கள் 250-க்கும் மேற்பட்டோர் ஆக்கிரமிப்புகளை அகற்ற எதிர்ப்பு தெரிவித்து அங்கு குவிந்தனர். மணிமங்கலம் போலீசார் அவர்களிடம் பேச்சுவார்த்தையில் ஈடுபட்டு அங்கிருந்து கலைந்து செல்லுமாறு அறிவுறுத்தினர்.