பாம்பனில் கரையேற்றப்பட்ட கடற்படை கப்பல்

கேரள மாநிலம் கொச்சியில் இந்திய கடற்படைக்கு பல்வேறு வசதிகளுடன் கூடிய அதிவேக ரோந்து கப்பல் ஒன்று புதிதாக கட்டப்பட்டது.. இந்த கப்பல் ஆந்திர மாநிலம் விசாகப்பட்டினம் கடற்படை நிலையத்திற்கு கொண்டு செல்வதற்காக பாம்பன் தூக்கு பாலம் அருகே வந்தது.
அதைத்தொடர்ந்து அந்த கடற்படை கப்பல் பழுது  பார்க்கும் பணிக்காக பாம்பன் தெற்குவாடி கடற்கரையில் கரை ஏற்றி வைக்கப்பட்டிருந்தது. அங்கு கப்பலின் சேதமான பகுதியை சரிசெய்யும் பணி கடந்த 3 நாட்களாக நடைபெற்றது. நேற்றுடன் கப்பல் சீரமைக்கும் பணி முடிவடைந்தது.
இதை தொடர்ந்து அந்த கப்பல் இன்று(புதன்கிழமை) கடலில் இறக்கப்படுகிறது. இன்னும் ஓரிரு நாளில் அந்த கப்பல் தூக்குப்பாலத்தை கடந்து ெசல்லும். அதன்பிறகு அந்த கப்பல் விசாகப்பட்டினம் கடற்படை நிலையத்திற்கு சென்றடையும்.