விவசாயி தூக்குப்போட்டு தற்கொலை

கரூர் வாங்கல் குப்பிச்சிபாளையத்தை சேர்ந்தவர் முத்துச்சாமி (வயது 52). விவசாயியான இவருக்கு, கடந்த சில மாதங்களாக வயிற்று வலி ஏற்பட்டு வந்தது. இதனால் மனமுடைந்து காணப்பட்ட முத்துச்சாமி சம்பவத்தன்று வீட்டில் தூக்குப்போட்டு தற்கொலை செய்து கொண்டார்.   இதுகுறித்து தகவல் அறிந்த வாங்கல் போலீஸ் இன்ஸ்பெக்டர் உதயகுமார் தலைமையிலான போலீசார் சம்பவ இடத்திற்கு வந்து முத்துச்சாமியின் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிந்து விசாரணை நடத்தி வருகின்றனர்.