தொழிலாளியிடம் பணம் கேட்டு மிரட்டிய வாலிபர் கைது

கோவில்பட்டி இந்திரா நகரைச் சேர்ந்த சங்கரசுப்பு மகன் ஹரிஹரசுதன் (வயது 29). கூலி தொழிலாளி. இவர் தனது நண்பர் ஆறுமுகப்பாண்டியுடன், லட்சுமிமில் மேம்பாலத்தை அடுத்த கசாப்பு கடை வழியாக நடந்து சென்றார். அப்போது அவரை வாலிபர் ஒருவர் வழிமறித்து பணம் கேட்டார். தன்னிடம் பணம் இல்லை என்று கூறிய அவரை, வாலிபர் அவதூறாக பேசி, அரிவாளை காட்டி மிரட்டினாராம். இது குறித்து ‌ஹரிஹர சுதன் மேற்கு போலீசாரிடம் புகார் செய்தார். போலீசார் வழக்கு பதிவு செய்து அந்த வாலிபரை பிடித்து விசாரித்தனர். விசாரணையில், அவர் அதே பகுதியை சேர்ந்த செல்லப்பாண்டி மகன் மாரியப்பன் (வயது 28) என்பதும், இவர் மீது கொலை மிரட்டல், கொலை முயற்சி போன்ற பல வழக்குகள் இருப்பதும் தெரிய வந்தது. மாரியப்பனை போலீசார் கைது செய்தனர்.