689 இடங்களில் கொரோனா தடுப்பூசி சிறப்பு முகாம்
689 இடங்களில் கொரோனா தடுப்பூசி சிறப்பு முகாம்
திருப்பூர்,
திருப்பூர் மாவட்டத்தில் 18 வயதுக்கு மேற்பட்டவர்கள் 19 லட்சத்து 95 ஆயிரத்து 300 பேர் உள்ளனர். இதுவரை 17 லட்சத்து 99 ஆயிரத்து 740 பேர் கொரோனா தடுப்பூசி முதல் தவணையும், 10 லட்சத்து 59 ஆயிரத்து 586 பேர் இரண்டு தவணையும் தடுப்பூசி செலுத்தியுள்ளனர். மேலும் 1 லட்சத்து 95 ஆயிரத்து 560 பேர் முதல் தவணையும், 4 லட்சத்து 98 ஆயிரத்து 534 பேர் இரண்டாம் தவணையும் தடுப்பூசி செலுத்த வேண்டியுள்ளது. இன்று (சனிக்கிழமை) 15-வது கட்டமாக கொரோனா தடுப்பூசி சிறப்பு முகாம் திருப்பூர் மாவட்டம் முழுவதும் நடக்கிறது.
689 இடங்களில் காலை 9 மணி முதல் மாலை 5 மணி வரை முகாம் நடக்கிறது. அரசு மருத்துவமனை, ஆரம்ப சுகாதார நிலையங்கள், ரெயில், பஸ் நிலையங்கள், ஊராட்சி அலுவலகங்கள், தனியார் மருத்துவமனைகளில் இலவசமாக கொரோனா தடுப்பூசி போடப்படுகிறது.1 லட்சம் பேருக்கு கொரோனா தடுப்பூசி செலுத்த இலக்கு நிர்ணயிக்கப்பட்டுள்ளது. பொதுமக்கள் இதை பயன்படுத்திக்கொள்ள வேண்டும் என்று கலெக்டர் வினீத் தெரிவித்துள்ளார்.