ஆற்றில் மணல் அள்ளிய 2 பேர் கைது

போடி: 

போடி புதூர் வலசைத்துறை ரோட்டை சேர்ந்தவர் பெருமாள் (வயது 30). இவரும், அதே பகுதியை சேர்ந்த 16 வயது சிறுவனும் சேர்ந்து கொட்டக்குடி ஆற்றில் நேற்று மணல் அள்ளிக் கொண்டிருந்தனர். அப்போது அப்பகுதியில் ரோந்து சென்ற போடி தாலுகா போலீசார் அவர்களை கையும் களவுமாக பிடித்தனர். அவர்களிடமிருந்து 6 மூட்டை மணல்‌ மற்றும் ஒரு மோட்டார் சைக்கிளை பறிமுதல் செய்தனர். இதுகுறித்து போலீசார் வழக்குப்பதிவு செய்து 2 பேரையும் கைது செய்தனர்.