ரெயிலில் அடிபட்டு வாலிபர் பலி

உளுந்தூர்பேட்டை, 

உளுந்தூர்பேட்டை அருகே நகர் கிராமத்தை சேர்ந்தவர் விஜயகுமார் (வயது 25). இவர் நேற்று அந்த பகுதியில் உள்ள ரெயில்வே கேட் அருகே ஆடுகளை மேய்த்து கொண்டிருந்தார். அப்போது தண்டவாளத்தில் அவரது ஆடு ஒன்று நின்று கொண்டிருந்தது. அந்த சமயத்தில் அந்த வழியாக ரெயில் ஒன்று வந்தது. இதைபார்த்து அதிர்ச்சி அடைந்த அவர் உடனே அந்த ஆட்டை காப்பாற்ற முயன்றார். இதில் எதிர்பாராதவிதமாக ரெயிலில் அடிப்பட்டு விஜயகுமார் சம்பவ இடத்திலேயே பரிதாபமாக இறந்தார். இது குறித்த தகவலின் பேரில் விருத்தாசலம் ரெயில்வே போலீசார் சம்பவ இடத்துக்கு சென்று விஜயகுமாரின் உடலை கைப்பற்றி பிரேத பரிசோதனைக்காக உளுந்தூர்பேட்டை அரசு ஆஸ்பத்திரிக்கு அனுப்பிவை்த்தனர். மேலும் இது தொடர்பாக வழக்குப்பதிவு செய்து விசாரணை நடத்தி வருகின்றனர்.