வடமதுரை அருகே விபத்தில் தொழிலாளி பலி; பெண் படுகாயம்

வடமதுரை:

வடமதுரை அருகே உள்ள ஜி.குரும்பபட்டியை சேர்ந்தவர் சிவக்குமார் (வயது 33).  கூலித்தொழிலாளி. இவர் கடந்த 8-ந்தேதி உறவினரான சொரூபராணி (30) என்பவரை வேலைக்கு விடுவதற்காக தனது மோட்டார் சைக்கிளில் வடமதுரைக்கு அழைத்து சென்றார். 

வடமதுரை அருகே திருச்சி-திண்டுக்கல் சாலையில் கொல்லப்பட்டி பிரிவு பகுதியில் அவர்கள் வந்தபோது, நாய் ஒன்று குறுக்கே வந்தது. இதனால் நாய் மீது மோதாமல் இருக்க சிவக்குமார் மோட்டார் சைக்கிளில் ‘பிரேக்’ போட்டு நிறுத்தினார். இதில் நிலைதடுமாறிய மோட்டார் சைக்கிள் சாலையில் கவிழ்ந்தது. இதில், சிவக்குமாரும், சொரூபராணியும் கீேழ விழுந்து படுகாயம் அடைந்தனர். 

இதையடுத்து அவர்களை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனைக்கு அனுப்பி வைத்தனர். ஆனால் அங்கு சிகிச்சை பலனின்றி சிவக்குமார் நேற்று உயிரிழந்தார். சொரூபராணிக்கு தீவிர சிகிச்சை அளிக்கப்பட்டு வருகிறது. இதுகுறித்து வடமதுரை போலீசார் வழக்குப்பதிவு செய்து விசாரணை நடத்தி வருகின்றனர்.