வெள்ளகோவில்
வெள்ளகோவில் வட்டார ஆரம்ப சுகாதார நிலையத்தின் சார்பில் தினசரி கொரோனா பரிசோதனை மேற்கொள்ளப்பட்டு வருகிறது. மேலும் கொரோனா தடுப்பூசியும் போடப்பட்டு வருகிறது. அதன்படி கடந்த 2 நாட்களில் 262 பேருக்கு கொரோனா பரிசோதனை மேற்கொள்ளப்பட்டது. இதில் வெள்ளகோவில் நாகமநாயக்கன்பட்டி லக்கமநாயக்கன்பட்டி ஆகிய பகுதிகளைச் சேர்ந்த 3 பேருக்கு கொரோனா தொற்று இருப்பது தெரியவந்துள்ளது. இதையடுத்து கொரோனா தொற்று ஏற்பட்டவர்களுக்கு வெள்ளகோவில் வட்டார ஆரம்ப சுகாதார நிலையத்தின் சார்பில் சிகிச்சை அளிக்க நடவடிக்கை மேற்கொண்டு வருகின்றனர்.