பாப்பாரப்பட்டி அருகே சரக்கு வேனை திருடியவர் கைது

பாப்பாரப்பட்டி:

பாப்பாரப்பட்டி அருகே உள்ள மாமரத்துப்பள்ளம் கிராமத்தை சேர்ந்தவர் பச்சியப்பன். இவர் சொந்தமாக சரக்கு வேன் வைத்து வாடகைக்கு ஓட்டி வந்தார். கடந்த 8-ந் தேதி வீட்டு முன்பு நிறுத்தி வைத்திருந்த வேன் திருட்டு போனது. இது குறித்த புகாரின் பேரில் பாப்பாரப்பட்டி போலீசார் வழக்குப்பதிவு செய்து விசாரணை நடத்தி வந்தனர். 

அப்போது கர்நாடக மாநிலம் கோலார் பகுதியில் சரக்கு வேன் பதுக்கி வைத்து இருப்பது தெரியவந்தது. இதையடுத்து போலீஸ் இன்ஸ்பெக்டர் வெங்கட்ராமன் தலைமையிலான தனிப்படை போலீசார் கோலார் அருகே உள்ள முத்தனூர் கிராமத்திற்கு சென்று வேனை மீட்டனர். இதுதொடர்பாக போலீசார் நடத்திய விசாரணையில் பாப்பாரப்பட்டி அருகே உள்ள ஆலமரத்துப்பட்டி கிராமத்தை சேர்ந்த பெருமாள் (வயது 38), அருள் ஆகிய 2 பேரும் சரக்கு வேனை திருடி பதுக்கி வைத்தது தெரியவந்தது. இதையடுத்து பெருமாளை போலீசார் கைது செய்தனர். மேலும் தலைமறைவாக உள்ள அருளை போலீசார் தேடி வருகின்றனர்.