தீக்குளித்து முதியவர் தற்கொலை

பந்தலூர்

பந்தலூர் தாலுகா கொளப்பள்ளி அருகே சின்ன யானைப்பளம் பகுதியை சேர்ந்தவர் ராசையா(வயது 72). இவர் சம்பவத்தன்று வீட்டில் யாரும் இல்லாதபோது தீக்குளித்து படுகாயங்களுடன் உயிருக்கு போராடி கொண்டு இருந்தார். சத்தம் கேட்டு அங்கு வந்த அக்கம்பக்கத்தினர் அவரை மீட்டு கோவை அரசு ஆஸ்பத்திரிக்கு அனுப்பி வைத்தனர். 

அங்கு அவருக்கு தீவிர சிகிச்சை அளிக்கப்பட்டு வந்தது. எனினும் சிகிச்சை பலனின்றி ராசையா பரிதாபமாக உயிரிழந்தார். அவர் ஏன் தற்கொலை செய்து கொண்டார் என்பது தெரியவில்லை. அதுகுறித்து சேரம்பாடி போலீசார் வழக்குப்பதிவு செய்து, விசாரணை நடத்தி வருகின்றனர்.