மெரினாவில் மாணவர்கள் போராட்டம் என வதந்தி பரப்புவோர் மீது நடவடிக்கை - போலீஸ் கமிஷனர் எச்சரிக்கை

சென்னை,

தமிழக உயர்கல்வித்துறை அமைச்சர் தலைமையில் மாணவ பிரதிநிதிகளுடன் நடந்த பேச்சுவார்த்தையில் அடுத்த ஆண்டு (2022) ஜனவரி 20-ந் தேதிக்கு பின்னர் கல்லூரி செமஸ்டர் தேர்வுகளை நேரடியாக நடத்துவது என்று முடிவு செய்து அதனை மாணவ பிரதிநிதிகள் ஏற்றுக்கொண்டனர்.

இந்தநிலையில் சிலர் சமூக வலைதளங்களில், இணையதளம் வழியாக தேர்வு நடத்தக்கோரி 22-ந் தேதி (திங்கட்கிழமை) காலை 9 மணியளவில் மெரினா கடற்கரைக்கு போராட்டம் நடத்த வரும்படி மாணவர்களுக்கு அழைப்பு விடுத்து முகநூல், டுவிட்டர், இன்ஸ்டாகிராம், வாட்ஸ்-அப் போன்ற சமூக வலைதளங்களில் பொய்யான தகவலை பரப்பி வருகின்றனர். இந்த தகவல் உண்மைக்கு புறம்பானது. மாணவர்கள் யாரும் அதை நம்ப வேண்டாம். இதுபோன்ற வதந்திகளை சமூக வலைதளங்கள் மூலம் பரப்புவோர் மீது கடுமையான நடவடிக்கை எடுக்கப்படும்.

இவ்வாறு அதில் கூறப்பட்டுள்ளது.