லாரி மீது மோட்டார் சைக்கிள் மோதி முதியவர் சாவு
லாரி மீது மோட்டார் சைக்கிள் மோதி முதியவர் சாவு
ஆற்காடு
ராணிப்பேட்டை மாவட்டம் ஆற்காட்டில் உள்ள வேலூர் மெயின் ரோடு பகுதியை சேர்ந்தவர் சிவசங்கர் (வயது 67). இவர் ஆற்காட்டில் கடை வைத்துள்ளார். இந்த நிலையில் நேற்று முன்தினம் இரவு சிவசங்கர் மோட்டார் சைக்கிளில் ஆற்காட்டில் நடைபெற்ற ஒரு திருமணத்திற்கு சென்றுள்ளார். வேலூர் மெயின் ரோட்டில் சென்ற போது முன்னால் சென்று கொண்டிருந்த லாரி மீது சிவசங்கர் ஓட்டி வந்த மோட்டார் சைக்கிள் மோதியுள்ளது.
இதில் படுகாயமடைந்த அவரை மீட்டு ராணிப்பேட்டை தனியார் மருத்துவமனையில் சேர்க்கப்பட்டார். அங்கு சிகிச்சை பலனின்றி சிவசங்கர் பரிதாபமாக இறந்தார். இதுகுறித்த புகாரின் பேரில் ஆற்காடு டவுன் போலீசார் வழக்குப் பதிவு செய்து விசாரணை நடத்தி வருகின்றனர்.