தினதந்தி புகார் பெட்டி

அடிப்படை வசதி செய்து தர வேண்டும்

திருவாரூர் மாவட்டம், திருத்துறைப்பூண்டி தாலுகா முத்துப்பேட்டை தெற்கு காடு கிராமம் உள்ளது.  இந்த கிராமத்தில் பல ஆண்டுகளாக 30-க்கும் மேற்பட்ட குடும்பத்தினர் வசித்துவருகின்றனர். இந்த கிராமத்தில் எந்த ஒரு அடிப்படை வசதியின்றி அப்பகுதி மக்கள் அவதியடைந்து வருகின்றனர். மேலும் சாலை மற்றும் வடிகால்  வசதியில்லாததால் மழைக்காலங்களில் தண்ணீர் வீடுகளை சூழ்ந்து காணப்படுகிறது. இதனால் விஷப்பூச்சிகள் வீடுகளுக்கு படையெடுக்கின்றன. இதனால் குழந்தைகள் பெரிதும் அவதியடைந்து வருகின்றனர். எனவே சம்பந்தப்பட்ட அதிகாரிகள் வீடுகளை சுற்றி மழை தண்ணீர் தேங்காமல் இருக்கவும், அடிப்படை வசதி செய்து தரவும் உரிய நடவடிக்கை எடுக்கவேண்டும் என்பது அப்பகுதி மக்களின் கோரிக்கையாகும்.

-பொதுமக்கள், திருத்துறைப்பூண்டி.