வீட்டுக்குள் புகுந்த உடும்பு

போடி:

போடி அருகே உள்ள அமராவதி நகர் 3-வது தெருவை சேர்ந்தவர் மூக்கையா. இவரது வீட்டுக்குள் உடும்பு ஒன்று புகுந்தது. இது குறித்து போடி தீயணைப்பு படையினருக்கு தகவல் தெரிவிக்கப்பட்டது. இதையடுத்து தீயணைப்பு நிலைய அலுவலர் சக்திவேல் தலைமையிலான வீரர்கள் அங்கு விரைந்து சென்று சுமார் அரை மணி நேரம் போராடி உடும்பை பிடித்தனர். பிடிபட்ட உடும்பு 3 அடி நீளமுள்ளது. பின்னர் அந்த உடும்பு வனத்துறை அதிகாரிகளிடம் பாதுகாப்பாக ஒப்படைக்கப்பட்டது.