மின்தடையால் சிக்னல்கள் இயங்கவில்லை வேலூரில் போக்குவரத்து பாதிப்பு
வேலூரில் மின்தடையால் போக்குவரத்து சிக்னல்கள் இயங்கவில்லை. இதனால் போக்குவரத்து கடுமையாக பாதிக்கப்பட்டுள்ளது.
வேலூர்
வேலூரில் மின்தடையால் போக்குவரத்து சிக்னல்கள் இயங்கவில்லை. இதனால் போக்குவரத்து கடுமையாக பாதிக்கப்பட்டுள்ளது.
போக்குவரத்து சிக்னல்கள்
வேலூர் மாநகரில் 8-க்கும் மேற்பட்ட போக்குவரத்து சிக்னல்கள் உள்ளன. நேற்று காலை மின்தடை காரணமாக போக்குவரத்து சிக்னல்கள் அனைத்தும் செயல்படவில்லை. இதனால் பல்வேறு சிக்னல் பகுதிகளில் வாகனங்கள் செல்ல முடியாமல் போக்குவரத்து பாதிக்கப்பட்டது. முக்கிய இடங்களில் போக்குவரத்து போலீசார் போக்குவரத்தை ஒழுங்கு படுத்தினர்.
இந்த நிலையில் மாலை 4 மணி அளவில் வேலூர் கிரீன்சர்க்கிள் பகுதியில் திடீரென போக்குவரத்து நெரிசல் ஏற்பட்டது. கிரீன்சர்க்கிள் பகுதியில் இருந்து விருதம்பட்டு பகுதி வரை வாகனங்கள் நீண்ட வரிசையில் நின்று மெதுவாக ஊர்ந்து சென்றன.
போக்குவரத்து பாதிப்பு
இதுகுறித்து போக்குவரத்து போலீசார் கூறுகையில், தீபாவளி பண்டிகையையொட்டி பொதுமக்கள் பொருட்கள் வாங்க நகருக்குள் படை எடுத்ததால் திடீர் போக்குவரத்து பாதிப்பு ஏற்பட்டது. போலீசார் அனைவரும் இணைந்து போக்குவரத்தை ஒழுங்குபடுத்தும் பணியில் ஈடுபட்டனர் என்று கூறினர்.