பணகுடி மேற்கு தொடர்ச்சி மலையில் ஆண் யானை மர்ம சாவு

பணகுடி:

கன்னியாகுமரி மாவட்டம் பூதப்பாண்டி வனச்சரகத்திற்குட்பட்ட பணகுடி மேற்கு தொடர்ச்சி மலைப்பகுதியில் வனத்துறையினர் ரோந்து பணியில் ஈடுபட்டனர். அப்போது பணகுடி அருகே உள்ள கஞ்சிபாறை என்ற மலைப்பகுதியில் ஆண் யானை ஒன்று மர்மமான முறையில் இறந்து கிடப்பதை கண்டனர்.

இதுகுறித்து வனத்துறை உயர் அதிகாரிகளுக்கு தகவல் தெரிவிக்கப்பட்டது. அதன்பேரில் பூதபாண்டி வனச்சரக அலுவலர் தீபன் சம்பவ இடத்துக்கு வந்து பார்வையிட்டார்.

பின்னர் நடத்திய விசாரணையில், யானை இரண்டு நாட்களுக்கு முன்பு இறந்திருக்கும் எனவும், இறந்த யானைக்கு சுமார் 14 வயது இருக்கலாம் எனவும் தெரியவந்துள்ளது. நெல்லையில் இருந்து வன கோட்ட கால்நடை மருத்துவர் மனோகரன் தலைைமயில் மருத்துவ குழுவினர் வந்து யானையை பிரேத பரிசோதனை செய்தனர்.