ஜல்லிக்கட்டு காளை முட்டியதில் படுகாயம் அடைந்த முதியவர் சாவு

 விராலிமலை

விராலிமலை அருகே இராஜாளிப்பட்டி ஊராட்சி வடக்கு ஆண்டியப்பட்டியை சேர்ந்தவர் ரவி (வயது 47). விவசாயி. இவர் ஜல்லிக்கட்டு காளை வளர்த்து வருகிறார். இந்நிலையில் கடந்த 20-ந் தேதி ரவி மற்றும் அவரது தந்தை பெருமாள் (70) ஆகியோர் அந்த ஜல்லிக்கட்டு காளைக்கு தண்ணீர் காட்டுவதற்காக தோட்டத்திற்கு அழைத்து சென்றனர். அப்போது அந்த ஜல்லிக்கட்டு காளை மிரண்டு பெருமாளின் வயிற்றில் முட்டியது. இதில் பலத்த காயமடைந்த அவரை ரவி மீட்டு சிகிச்சைக்காக திருச்சி அரசு மருத்துவமனையில் சேர்த்தார். அங்கு சிகிச்சை பலனின்றி நேற்று முன்தினம் பெருமாள் இறந்தார். இதுகுறித்து விராலிமலை போலீசார் வழக்குப்பதிவு செய்து விசாரணை நடத்தி வருகின்றனர்.