கிணற்றுக்குள் விழுந்த மான்

அருப்புக்கோட்டை, 

அருப்புக்கோட்டை அருகே பந்தல்குடி அக்ரகார தெருவில் உள்ள கிணற்றில் புள்ளிமான் விழுந்து கிடப்பதாக தீயணைப்பு நிலையத்திற்கு தகவல் கிடைத்தது. இதுகுறித்து தகவல் அறிந்து தீயணைப்பு நிலைய அலுவலர் ஜெயபாண்டி தலைமையிலான தீயணைப்பு துறையினர் விரைந்து வந்து பார்த்தனர். அப்ேபாது கிணற்றில் விழுந்த புள்ளி மான் இறந்து கிடப்பது தெரியவந்தது. இதையடுத்து தீயணைப்புத்துறையினர் மானின் உடலை மீட்டு வனத்துறை அதிகாரிகளிடம் ஒப்படைத்தனர். வனச்சரக அலுவலர் கோவிந்தன் தலைமையில் வனச்சரக அலுவலர் ஜெயசந்திரன் மற்றும் வனத்துறை அதிகாரிகள் இறந்த புள்ளிமானின் உடலை பந்தல்குடி கால்நடை மருத்துவமனைக்கு கொண்டு சென்று கால்நடை மருத்துவர் சத்திய பிரபா முன்னிலையில் உடற்கூறாய்வு செய்து, காட்டுப்பகுதியில் அடக்கம் செய்தனர்.