அருப்புக்கோட்டை
அருப்புக்கோட்டை அருகே குருந்தமடம் கிராமம் காட்டுப்பகுதியில் புள்ளிமான் குட்டி ஒன்று இறந்து கிடப்பதாக வனத்துறையினருக்கு அப்பகுதி மக்கள் தகவல் தெரிவித்தனர். இதையடுத்து சம்பவ இடத்திற்கு வந்த ஸ்ரீவில்லிபுத்தூர் வனச்சரக அலுவலர் கோவிந்தன், வன பாதுகாப்பாளர் ஜெயச்சந்திரன், வேட்டை தடுப்பு காவலர் ராஜேந்திர பிரபு ஆகியோர் காயமடைந்த நிலையில் இறந்து கிடந்த பெண் புள்ளிமானின் உடலை மீட்டு மலைப்பட்டி கால்நடை மருத்துவமனைக்கு கொண்டு சென்றனர். அங்கு கால்நடை மருத்துவர் சத்தியபிரபா முன்னிலையில் பரிசோதனை செய்தபின் காட்டுப் பகுதிக்கு கொண்டு சென்று மானின் உடலை அடக்கம் செய்தனர். வனத்துறையின் விசாரணையில் நாய்கள் கடித்து புள்ளிமான் உயிரிழந்தது தெரியவந்தது.