திருப்பூர்,
தமிழகத்தில் கொரோனா தடுப்பு மற்றும் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளது. இதனால் கொரோனா தொற்று குறைய தொடங்கியுள்ளது. ஒரு சில மாவட்டங்களில் பாதிப்பு அதிகமாக உள்ளதால், அந்த மாவட்டங்களில் சில கட்டுப்பாடுகள் விதிக்கப்பட்டுள்ளது. இந்நிலையில் நேற்று தமிழகத்தில் ஒரே நாளில் 1,449 பேருக்கு கொரோனா தொற்று உறுதி செய்யப்பட்டது.
திருப்பூர் மாவட்டத்தில் 72 பேருக்கு தொற்று உறுதி செய்யப்பட்டது. இதனால் கொரோனா பாதித்தவர்களின் எண்ணிக்கை 93 ஆயிரத்து 421-ஆக உள்ளது. இதுபோல் கொரோனாவுக்கு சிகிச்சை பெற்று வந்த மாவட்டத்தின் பல்வேறு பகுதிகளை சேர்ந்த 79 பேர் குணமடைந்து வீடு திரும்பினர். இதனால் குணமடைந்தவர்களின் எண்ணிக்கை 91 ஆயிரத்து 618-ஆக உள்ளது. மாவட்டம் முழுவதும் கொரோனாவால் பாதிக்கப்பட்ட 846 பேர் சிகிச்சை பெற்று வருகிறார்கள். நேற்று ஒருவர் பலியான நிலையில் பலி எண்ணிக்கை 957-ஆக உள்ளது.