கூடுவாஞ்சேரி அருகே திருட்டுத்தனமாக மதுவிற்ற 6 பேர் கைது

இதையடுத்து சம்பவ இடத்துக்கு விரைந்து சென்ற போலீசார் அங்கு திருட்டுத்தனமாக மது விற்ற ராமநாதபுரம் பகுதியை சேர்ந்த முருகன் (வயது 34) என்பவரை கைது செய்து அவரிடமிருந்து 4 மது பாட்டில்களை பறிமுதல் செய்தனர். அதேபோல நந்திவரத்தில் மது பாட்டில்களை திருட்டுத்தனமாக விற்ற ஜெயச்சந்திரன் (47) என்பவரை கைது செய்து அவரிடம் இருந்து 10 மதுபாட்டில்களை போலீசார் பறிமுதல் செய்தனர்.இதுகுறித்து கூடுவாஞ்சேரி போலீசார் வழக்குப்பதிவு செய்து விசாரித்து வருகின்றனர்.

இதேபோல காட்டாங்கொளத்தூர் திருப்பாணாழ்வார் தெருவில் திருட்டுத்தனமாக மதுபாட்டில்கள் விற்கப்படுவதாக மறைமலைநகர் போலீசாருக்கு தகவல் கிடைத்தது. இதையடுத்து சம்பவ இடத்திற்கு விரைந்து சென்ற போலீசார் அங்கு வள்ளி (62), வேதம் (70) ஆகியோரை கைது செய்து அவர்களிடம் இருந்து 20 மது பாட்டில்களை கைப்பற்றினர். இது குறித்து மறைமலைநகர் போலீசார் வழக்குப்பதிவு விசாரித்தனர். இதேபோல மண்ணிவாக்கம் புதுநகர் பகுதியில் திருட்டுத்தனமாக மது பாட்டில்களை விற்பனை செய்த பழைய பெருங்களத்தூர் பகுதியை சேர்ந்த பாபு (59), சதீஸ்வரன் (33), ஆகியோரையும் போலீசார் கைது செய்து அவர்களிடம் இருந்து 8 மது பாட்டில்களை போலீசார் கைப்பற்றினர். இதுகுறித்து ஓட்டேரி போலீசார் வழக்குப்பதிவு செய்து விசாரித்து வருகின்றனர்.