விபத்தில் காயமடைந்த மூதாட்டி சாவு

நெல்லை:

பாளையங்கோட்டை வி.எம்.சத்திரம் அய்யன் திருவள்ளுவர் நகரை சேர்ந்தவர் முகமது மீரான். முன்னாள் ராணுவ வீரர். இவருடைய மனைவி நசீம் (வயது 65). இவர் சம்பவத்தன்று பாளையங்கோட்டை மிலிட்டரி கேன்டீன் அருகே நடந்து சென்று கொண்டிருந்தார். அப்போது அந்த பகுதியில் வந்த தனியார் பஸ் நசீம் மீது மோதியது. இதில் பலத்த காயமடைந்த அவரை அருகில் இருந்தவர்கள் மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு சிகிச்சை பலனின்றி நசீம் நேற்று முன்தினம் பரிதாபமாக உயிரிழந்தார்.

இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.