கோவில் கருவறையில் சூரிய ஒளிக்கதிர்

மதுரை 

மதுரை தெப்பக்குளம் முத்தீஸ்வரர் கோவிலில் ஆண்டுத்தோறும் செப்டம்பர் மாதம் 19ம் தேதி முதல் 30ந் தேதி வரை காலை 6.15 முதல் 6.25 வரையும்,தொடர்ந்து 6.40 முதல் 6.50 மணி வரையிலும் சூரிய கதிர்கள் கருவறைக்குள் பிரவேசிக்கும். ஆனால் கடந்த 3 நாட்களாக மழை மேகமாக இருந்ததால் சூரியன் சரியாக தெரியவில்லை. நேற்று தெள்ளத் தெளிவாக வானம் இருந்ததால், சூரிய கதிர்கள் கோவிலின் மூன்று துவாரங்கள் வழியாக கருவறைக்குள் சென்றது. அப்போது ஏராளமான பக்தர்கள் சூரிய வழிபாடாக கருதி சாமி தரிசனம் செய்தனர்.