மெட்ரோ ரெயில் நிலையங்களில் இலவச மருத்துவ முகாம்; தியாகராயா கல்லூரி, கிண்டியில் நாளை நடக்கிறது

நாளை (புதன்கிழமை) தியாகராயா கல்லூரி மற்றும் கிண்டி ஆகிய மெட்ரோ ரெயில் நிலையங்களில் மருத்துவ முகாம் நடக்கிறது. வருகிற 24-ந் தேதி (வெள்ளிக்கிழமை) ஐகோர்ட்டு மற்றும் ஷெனாய் நகர் மெட்ரோ ரெயில் நிலையங்களிலும், 27-ந் தேதி (திங்கட்கிழமை) புதுவண்ணாரப்பேட்டை மற்றும் வடபழனி மெட்ரொ ரெயில் நிலையங்களிலும், 29-ந் தேதி (புதன்கிழமை) அரசினர் தோட்டம் மற்றும் திருமங்கலம் மெட்ரோ ரெயில் நிலையங்களிலும் நடக்கிறது. முகாம் காலை 10 மணிக்கு தொடங்கி பகல் 12 மணி வரையிலும், மாலை 4 மணி முதல் இரவு 6 மணி வரையிலும் நடக்கிறது. இந்த முகாமில் உயரம் மற்றும் எடை, ரத்த அழுத்தம், சீரற்ற ரத்த சர்க்கரை, வெப்பநிலை, துடிப்பு போன்றவற்றிற்கான பரிசோதனைகள் மேற்கொள்ளப்பட்டு ஆலோசனைகளும் வழங்கப்படுகிறது.

மேற்கண்ட தகவல்களை சென்னை மெட்ரோ ரெயில் நிறுவன அதிகாரிகள் கூறினார்கள்.