கஞ்சா விற்ற 3 பேர் கைது

நெல்லை:

கங்கைகொண்டான் போலீஸ் சப்&இன்ஸ்பெக்டர் மாடசாமி மற்றும் போலீசார் ரோந்து சென்றனர். அப்போது கங்கைகொண்டான் அரசு மேல்நிலைப்பள்ளி அருகே சட்டவிரோதமாக கஞ்சா விற்பனை செய்ததாக, கங்கைகொண்டான் பெருமாள் கோவில் தெருவை சேர்ந்த சுடர்மணியை கைது செய்தனர். அவரிடம் இருந்து 3 கிலோ கஞ்சாவை பறிமுதல் செய்தனர்.

இதேபோல் ஏர்வாடி போலீஸ் சப்&இன்ஸ்பெக்டர் முத்துப்பாண்டி மற்றும் போலீசார் ரோந்து சென்றபோது, ஏர்வாடி பஸ்நிலையம் அருகே கஞ்சா விற்றதாக, கோதைசேரியை சேர்ந்த அருண்குமார் (24), சேசையாபுரத்தை சேர்ந்த கண்ணன் (24) ஆகியோரை கைது செய்தனர். அவர்களிடம் இருந்து 40 கிராம் கஞ்சா பறிமுதல் செய்யப்பட்டது.