அஞ்சல் ஊழியர்கள் ஆர்ப்பாட்டம்
10 அம்ச கோரிக்கைகளை வலியுறுத்தி சீர்காழி தலைமை தபால் நிலையம் முன்பு அஞ்சல் ஊழியர்கள் ஆர்ப்பாட்டத்தில் ஈடுபட்டனர்.
சீர்காழி:
10 அம்ச கோரிக்கைகளை வலியுறுத்தி சீர்காழி தலைமை தபால் நிலையம் முன்பு அஞ்சல் ஊழியர்கள் ஆர்ப்பாட்டத்தில் ஈடுபட்டனர்.
ஆர்ப்பாட்டம்
சீர்காழி தலைமை தபால் நிலையம் முன்பு நேற்று மாலை 10 அம்ச கோரிக்கைகளை வலியுறுத்தி அனைத்திந்திய அஞ்சல் ஊழியர்கள் சங்கம் சார்பில் ஆர்ப்பாட்டம் நடைபெற்றது. ஆர்ப்பாட்டத்திற்கு சீர்காழி சங்க கிளைத்தலைவர் தாஸ் தலைமை தாங்கினார். கிளைச்செயலாளர் ரவிச்சந்திரன், பொருளாளர் ரவிச்சந்திரன் ஆகியோர் முன்னிலை வகித்தனர். அஞ்சலக ஊழியர்களுக்கு டார்கெட் நிர்ணயிப்பதை கைவிடவேண்டும். அஞ்சலக ஊழியர்களுக்கு மிரட்டல் விடுத்த அதிகாரிகள் மீது ஒழுங்கு நடவடிக்கை எடுக்க வேண்டும். அவர்களுக்கு முறையான கவுன்சிலிங் அளிக்க வேண்டும்.
கோஷங்கள்
தபால்காரர்களுக்கு கூடுதல் பணி வழங்க கூடாது. கொரோனா காலத்தில் மூடப்பட்ட ஆர்.எம்.எஸ். மெயில் அலுவலகங்களை மீண்டும் திறக்க வேண்டும். எம். எம். எஸ் ஓட்டுனர்களுக்கு இரட்டிப்பு பணி வழங்குவதை நிறுத்த வேண்டும் என்பது உள்ளிட்ட 10 அம்ச கோரிக்கையை வலியுறுத்தி ஆர்ப்பாட்டம் நடைபெற்றது. இதில் ஏராளமான அஞ்சலக ஊழியர்கள் கலந்து கொண்டு கோஷங்களை எழுப்பினர்.