தென்காசி மாவட்ட ஊரக உள்ளாட்சி தேர்தல் 221 ஊராட்சி தலைவர் பதவிக்கான இடஒதுக்கீடு பட்டியல் வெளியீடு

நெல்லை:

தென்காசி மாவட்டத்தில் ஊரக உள்ளாட்சி தேர்தலில் 221 ஊராட்சி தலைவர்கள் பதவிக்கான இடஒதுக்கீடு பட்டியல் வெளியிடப்பட்டு உள்ளது.

ஊரக உள்ளாட்சி தேர்தல்

தென்காசி மாவட்ட ஊரக உள்ளாட்சி தேர்தல் விரைவில் நடைபெற உள்ளது. இந்த நிலையில் மாவட்டத்தில் 10 யூனியன்களில் உள்ள 221 ஊராட்சிகளில் தலைவர் பதவிக்கான இடஒதுக்கீடு பட்டியல் வெளியிடப்பட்டு உள்ளது. ஆலங்குளம் யூனியனில் சுப்பையாபுரம், மாயமான்குறிச்சி, குத்தப்பாஞ்சான் ஆகிய ஊராட்சிகளின் தலைவர் பதவி எஸ்.சி. பெண்களுக்கும், மேலமருதப்பபுரம், ஊத்துமலை ஊராட்சிகளின் தலைவர் பதவி எஸ்.சி. பொது பிரிவுக்கும் ஒதுக்கீடு செய்யப்பட்டு உள்ளது. அச்சங்குட்டம், கடங்கனேரி, காடுவெட்டி, காவலாகுறிச்சி, கிடாரக்குளம், குறிச்சாம்பட்டி, மாறாந்தை, மருக்கலாங்குளம், மேலக்கலங்கல், நாரணபுரம், நவநீதகிருஷ்ணபுரம், நெட்டூர், சிவலார்குளம் பொதுப்பிரிவு பெண்களுக்கும், அய்யனார்குளம், பலபத்திரராமபுரம், கருவந்தா, கீழக்கலங்கல், கீழவீராணம், குறிப்பன்குளம், மருதம்புத்தூர், மேல வீராணம், நல்லூர், ஓடைமறிச்சான், புதுப்பட்டி, சீவலபுரம் கரடியுடைப்பு, வடக்கு காவலாகுறிச்சி, வாடியூர் ஆகிய ஊராட்சிகளின் தலைவர் பதவி பொது பிரிவுக்கும் ஒதுக்கப்பட்டு உள்ளது. கடையம் யூனியனில் மேல ஆம்பூர், சிவசைலம் ஆகிய ஊராட்சிகளின் தலைவர் பதவி எஸ்.சி. பெண்களுக்கும், கீழக்கடையம், பொட்டல்புதூர் எஸ்.சி. பொதுப்பிரிவுக்கும், ஐந்தாங்கட்டளை, தர்மபுரம்மடம், கடையம், கடையம் பெரும்பத்து, மடத்தூர், முதலியார்பட்டி, தெற்கு மடத்தூர், துப்பாக்குடி, வெங்காடம்பட்டி, வீரசமுத்திரம் ஆகிய ஊராட்சிகளின் தலைவர் பதவி பொது பெண்கள் பிரிவுக்கும் ஒதுக்கப்பட்டு உள்ளது. அடைச்சானி, அணைந்த பெருமாள் நாடானூர், கோவிந்தபேரி, கீழ ஆம்பூர், மந்தியூர், பாப்பான்குளம், ரவணசமுத்திரம், சேர்வைகாரன்பட்டி, திருமலையப்பபுரம் ஆகிய ஊராட்சிகள் பொதுப்பிரிவுக்கு ஒதுக்கப்பட்டு உள்ளது.

கடையநல்லூர் -கீழப்பாவூர்

கடையநல்லூர் யூனியனில் ஆனைகுளம், காசிதர்மம், புன்னையாபுரம் ஆகிய ஊராட்சி தலைவர் பதவி எஸ்.சி. பெண்களுக்கும், சொக்கம்பட்டி, கொடிக்குறிச்சி ஊராட்சிகள் எஸ்.சி. பொதுப்பிரிவுக்கும், போகநல்லூர், இடைகால், கம்பாநேரி, புதுக்குடி, வேலாயுதபுரம் ஆகிய ஊராட்சிகள் பொதுப்பிரிவு பெண்களுக்கும் ஒதுக்கப்பட்டு உள்ளது.

குலையநேரி, நயினாகரம், நெடுவயல், பொய்கை, திரிகூடபுரம், ஊர்மேலழகியான் ஆகிய ஊராட்சிகள் பொதுப்பிரிவுக்கும் ஒதுக்கப்பட்டு உள்ளது.

கீழப்பாவூர் யூனியனில் ராஜகோபாலபேரி ஊராட்சி எஸ்.சி. பெண்களுக்கும், ராஜபாண்டி ஊராட்சி எஸ்.சி. பொதுப்பிரிவுக்கும், ஆண்டிப்பட்டி, குணராமநல்லூர், குலசேகரப்பட்டி, மேலப்பாவூர், நாகல்குளம், பெத்தநாடார்பட்டி, பூலாங்குளம், துத்திகுளம், வீரகேரளம்புதூர், இடையர்தவணை ஆகிய ஊராட்சிகள் பெண்கள் பொதுப்பிரிவுக்கும், அரியப்பபுரம், ஆவுடையானூர், இனாம் வெள்ளகால், கல்லூரணி, கழுநீர்குளம், கீழ வெள்ளகால், மேல கிருஷ்ணப்பேரி, சிவநாடானூர், திப்பணம்பட்டி ஆகிய ஊராட்சிகள் பொதுப்பிரிவுக்கும் ஒதுக்கீடு செய்யப்பட்டு உள்ளது.

குருவிகுளம் -மேலநீலிதநல்லூர்

தென்காசி மாவட்டத்தில் குருவிகுளம் யூனியன் அதிகப்படியாக 39 ஊராட்சிகளை கொண்டுள்ளது. இதில் மைப்பாறை, முக்கூட்டுமலை, பிள்ளையார்நத்தம், உமையதலைவன்பட்டி, வெள்ளகுளம், அ.கரிசல்குளம், கலிங்கபட்டி ஆகிய 7 ஊராட்சிகள் எஸ்.சி. பெண்களுக்கும், அத்திபட்டி, வரகனூர், சத்ர கொண்டான், குளக்கட்டாகுறிச்சி, நாலந்துலா, சாயமலை, ஜமீன் தேவர்குளம் ஆகிய 7 ஊராட்சிகள் எஸ்.சி. பொதுப்பிரிவுக்கும் ஒதுக்கப்பட்டு உள்ளது.

அய்யனேரி, சிதம்பராபுரம், இளையரசனேந்தல், கே.ஆலங்குளம், குறிஞ்சாகுளம், வடக்கு குருவிகுளம், தெற்கு குருவிகுளம், பெருங்கோட்டூர், பிச்சைதலைவன்பட்டி, புளியங்குளம், ராமலிங்கபுரம், செவல்குளம், வெங்கடாசலபுரம் ஆகிய 13 ஊராட்சிகளில் தலைவர் பதவி பொது பெண்கள் பிரிவுக்கு ஒதுக்கீடு செய்யப்பட்டு உள்ளது. அழகாபுரி, அப்பனேரி, சத்ரபட்டி, சித்திரம்பட்டி, கே.கரிசல்குளம், களப்பளான்குளம், காரிசாத்தான், நக்கலமுத்தன்பட்டி, பழங்கோட்டை, சங்குபட்டி, வடக்குபட்டி, வாகைகுளம் ஆகிய 12 ஊராட்சிகள் பொதுப்பிரிவுக்கு ஒதுக்கப்பட்டு உள்ளது.

மேலநீலிதநல்லூர் யூனியனில் கோ.மருதப்பபுரம், மேலநீலிதநல்லூர் ஊராட்சிகள் எஸ்.சி. பெண்களுக்கும், குருக்கள்பட்டி, வெள்ளாளன்குளம் எஸ்.சி. பொதுப்பிரிவுக்கும், இலந்தைகுளம், கீழநீலிதநல்லூர், மகேந்திரவாடி, மலையன்குளம், பட்டாடைகட்டி, சேந்தமரம் மஜ்ரா, உசிலங்குளம், வடக்கு பனவடலி ஆகிய ஊராட்சிகள் பெண்கள் பொதுப்பிரிவுக்கும், சின்னகோவிலான்குளம், ஈச்சந்தா, குலசேகரமங்கலம், மருதன்கிணறு, நடுவக்குறிச்சி மேஜர், நடுவக்குறிச்சி மைனர், பெரிய கோவிலான்குளம், சேந்தமரம் கஸ்பா ஆகிய ஊராட்சிகள் பொதுப்பிரிவுக்கு ஒதுக்கப்பட்டு உள்ளது.

சங்கரன்கோவில் -செங்கோட்டை

சங்கரன்கோவில் யூனியனில் கீழவீரசிகாமணி, பந்தப்புளி, பெரியூர், தெற்கு சங்கரன்கோவில், பெருமாள்பட்டி ஆகிய ஊராட்சிகள் எஸ்.சி. பெண்களுக்கும், அரிநாயகிபுரம், பொய்கை, புன்னைவனம், வாடிகோட்டை ஆகிய ஊராட்சிகள் எஸ்.சி. பொதுப்பிரிவுக்கும், களப்பாகுளம், மணலூர், மாங்குடி, நொச்சிகுளம், பெரும்பத்தூர், செந்தட்டியாபுரம், சுப்புலாபுரம், திருவேட்டநல்லூர், வீரிருப்பு ஆகிய ஊராட்சிகள் பெண்கள் பொதுப்பிரிவுக்கும், கரிவலம்வந்தநல்லூர், குவளைக்கண்ணி, மடத்துபட்டி, பனையூர், பருவக்குடி, ராமநாதபுரம், சீனிகுளம், வடக்குபுதூர், வயலி, வீரசிகாமணி ஆகிய ஊராட்சிகள் பொதுப்பிரிவுக்கு ஒதுக்கீடு செய்யப்பட்டு உள்ளது. செங்கோட்டை யூனியனில் சீவநல்லூர் எஸ்.சி. பெண்களுக்கும், கிழங்காடு எஸ்.சி. பொதுப்பிரிவுக்கும், இலத்தூர், தெற்குமேடு பெண்கள் பொதுப்பிரிவுக்கும், கற்குடி, புளியரை பொதுப்பிரிவுக்கும் ஒதுக்கப்பட்டு உள்ளது.