கூடுதல் கட்டணம் வசூலித்த 2 மினிபஸ்கள் மீது நடவடிக்கை

சிவகாசி பஸ் நிலையத்தில் இருந்து ரிசர்வ்லயன், திருத்தங்கல், விஸ்வநத்தம், பேராபட்டி உள்ளிட்ட பல்வேறு கிராமங்களுக்கு மினி பஸ்கள் இயக்கப்பட்டு வருகின்றது. இந்த நிலையில் ஒருசில மினி பஸ்களில் அரசு அனுமதியின்றி திடீரென டிக்கெட் கட்டணத்தை  உயர்த்தப்பட்டுள்ளதாகவும், குறைந்தபட்ச கட்டணம் ரூ.8-க்கு பதில் ரூ.10 ஆக வசூலிப்பதாக பொதுமக்களிடம் இருந்து வட்டார போக்குவரத்து அலுவலர் மூக்கனுக்கு புகார் வந்தது.
இது குறித்து வட்டார போக்குவரத்து அலுவலர் மூக்கன் கூறுகையில், மினி பஸ்களில் அரசு அனுமதியின்றி டிக்கெட் கட்டணத்தை உயர்த்தக்கூடாது, தற்போது 2 பஸ்களில் கூடுதல் கட்டணம் வசூலித்து இருப்பது கண்டுபிடிக்கப்பட்டது. இது போன்று ஆய்வுகள் தொடர்ந்து நடத்தப்படும். விதிமீறல்கள் இருந்தால் கடும் நடவடிக்கை எடுக்கப்படும் என்றார். ஆய்வின் போது வட்டார போக்குவரத்து ஆய்வாளர் கார்த்திகேயன் உடன் இருந்தார்.