இளம்பெண்ணுக்கு வரதட்சணை கொடுமை; கணவர் உள்பட 5 பேர் மீது வழக்கு

கரூர் மாவட்டம் பள்ளப்பட்டி ஷா நகரை சேர்ந்தவர் அப்துல் ரஹீம். இவரது மனைவி யாஸ்மின் பர்வீன் (வயது 26). இவர்கள் இருவருக்கும் திருமணமாகி 8 ஆண்டுகள் ஆகிறது.

இந்தநிலையில் கணவரின் குடும்பத்தார் வரதட்சணை கேட்டு கொடுமைப்படுத்துவதாக கரூர் அனைத்து மகளிர் போலீஸ் நிலையத்தில் யாஸ்மின் பர்வீன் புகார் அளித்தார்.

இதையடுத்து, அப்துல் ரஹீம், அவரது தந்தை ஆசிக்இலகை, தாய் பரக்கத் நிஷா மற்றும் உறவினர்கள் ஜமால் முஹம்மது, அசினா பர்வீன் ஆகிய 5 பேர் மீது இன்ஸ்பெக்டர் சித்ராதேவி வழக்குப்பதிவு செய்து விசாரணை நடத்தி வருகிறார்.