மீன்சுருட்டி:
அரியலூர் மாவட்டம் மீன்சுருட்டி போலீஸ் சப்-இன்ஸ்பெக்டர் மணவாளன் மற்றும் போலீசார் நேற்று ரோந்து பணியில் ஈடுபட்டனர். அப்போது கிடைத்த ரகசிய தகவலின்பேரில் நடத்தப்பட்ட சோதனையில், மீன்சுருட்டி அருகே உள்ள கொல்லாபுரம் கீழத்தெருவை சேர்ந்த செல்வம்(வயது 45), தனது வீட்டின் பின்புறம் மது விற்றது தெரியவந்தது. இதையடுத்து செல்வத்தை கைது செய்த போலீசார், அவரிடம் இருந்து 8 குவார்ட்டர் பாட்டில்களை பறிமுதல் செய்து விசாரணை நடத்தி வருகின்றனர்.
இதேபோல் விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் கொலையனூர் பகுதிகளில் ரோந்து பணியில் ஈடுபட்டனர். அப்போது மது விற்பதாக கிடைத்த ரகசிய தகவலின்படி கொலையனூர் நடுத்தெருவை சேர்ந்த அலேஸ்குமார் (வயது 39) என்பவரது வீட்டில் சோதனை செய்தனர். அப்போது அவரது வீட்டின் பின்புறம் விற்பனை செய்வதற்காக மறைத்து வைத்திருந்த மது பாட்டில்களை பறிமுதல் செய்த போலீசார், இது குறித்து வழக்குப்பதிவு செய்து அலேஸ்குமாரை கைது செய்து விசாரணை நடத்தி வருகின்றனர்.