ஆலப்பாக்கம் அருகே லாரி சக்கரத்தில் சிக்கி மூதாட்டி பலி

பூந்தமல்லி,

மதுரவாயலை அடுத்த கங்கையம்மன் நகரைச் சேர்ந்தவர் காந்தா (வயது 60). இவர், நேற்று காலை மதுரவாயலில் உள்ள ஆஸ்பத்திரிக்கு சென்றுவிட்டு வீட்டுக்கு செல்வதற்காக ஆலப்பாக்கம் அருகே பூந்தமல்லி நெடுஞ்சாலையை கடந்து செல்ல முயன்றார்.

அப்போது ஆலப்பாக்கத்தில் இருந்து வந்த லாரி, மூதாட்டி காந்தா மீது மோதியது. இதில் நிலைதடுமாறி கீழே விழுந்த காந்தா மீது லாரியின் பின்பக்க சக்கரம் ஏறி இறங்கியது. இதில் மூதாட்டி காந்தா உடல் நசுங்கி சம்பவ இடத்திலேயே பரிதாபமாக இறந்தார்.

இதுபற்றி கோயம்பேடு போக்குவரத்து புலனாய்வு போலீசார் வழக்குப்பதிவு செய்து லாரி டிரைவர் பீட்டர் (60) என்பவரை கைது செய்து விசாரித்து வருகின்றனர்.