மதுரை அருகே கால்வாயில் மூழ்கி அண்ணன்-தம்பி உள்பட 3 பேர் பலி

மதுரை அருகே கால்வாய் தண்ணீரில் மூழ்கி சகோதரர்கள் உள்பட 3 பேர் இறந்தனர். ஒருவர் உயிருடன் மீட்கப்பட்டார்.
வைகை அணையில் இருந்து மதுரை மாவட்ட பாசனத்திற்கு பெரியாறு கால்வாயில் தண்ணீர் திறக்கப்பட்டுள்ளது. இந்த தண்ணீர் கள்ளந்திரி வழியாக மேலூர் பகுதிக்கு செல்கிறது. தற்போது தண்ணீர் அதிகமாக செல்வதால் விடுமுறை நாட்களில் ஏராளமானோர் அங்கு வந்து குளிக்கின்றனர்.
பின்னர் 4 பேரும் தண்ணீரில் மூழ்கிய நிலையில் அவர்கள் என்ன ஆனார்கள்? என்று தெரியாமல் உடன் சென்ற நண்பர்கள் கதறினார்கள். பின்னர் அவர்கள் இதுகுறித்து தீயணைப்பு துறையினருக்கு தகவல் கொடுத்தனர். அதன்பேரில் மேலூர் மற்றும் தல்லாகுளம் தீயணைப்பு நிலையங்களில் இருந்து வீரர்கள் அங்கு விரைந்து சென்றனர். அவர்கள் தண்ணீரில் சிக்கி மூழ்கிய 4 பேரையும் மீட்கும் பணியில் ஈடுபட்டனர்.சுமார் ஒரு மணி நேர போராட்டத்திற்கு பின்னர் 3 பேரை பிணமாக மீட்டனர். ஒருவர் உயிருடன் மீட்கப்பட்டார். அவர் சிகிச்சைக்காக மதுரை அரசு ஆஸ்பத்திரிக்கு உடனடியாக கொண்டு வரப்பட்டார்.
ேமலும், விசாரணையில் முனிச்சாலை ருக்மணிபாளையம் பகுதியை சேர்ந்த ராமு மகன்கள் கோபி (வயது 19), கிஷோர்குமார் (18) மற்றும் நாகராஜன் மகன் ஹரிகரன் (18) என ஆகியோர் நீரில் மூழ்கி பலியானது தெரியவந்தது. உயிரோடு மீட்கப்பட்டு ஆஸ்பத்திரியில் சேர்க்கப்பட்டவர் சூரியகுமார்(18) என்பதும் தெரியவந்தது.
சம்பவம் நடந்த சுக்கம்பட்டி கால்வாய் பகுதி சுழல் நிறைந்தது என கூறப்படுகிறது. எனவே அங்கு குளிக்க செல்பவர்கள் தண்ணீரில் மூழ்கி இறக்கும் சம்பவம் தொடர்ந்து நடந்து வருகிறது. ஆதலால் அங்கு யாரும் குளிக்க செல்லாதபடி தடுப்பு அமைத்து பாதுகாப்பு ஏற்பாடுகளை செய்ய வேண்டும் என்று அந்த பகுதி மக்கள் கோரிக்கை விடுத்துள்ளனர்.
குளிக்க சென்ற இடத்தில் 3 பேர் தண்ணீரில் மூழ்கி இறந்த சம்பவம் அந்த பகுதியில் சோகத்தை ஏற்படுத்தி உள்ளது.