வீட்டில் பதுக்கி வைத்திருந்த 400 மது பாட்டில்கள் பறிமுதல்

தரகம்பட்டி,

தரகம்பட்டி அருகே உள்ள மோளபட்டியில் சட்டவிரோதமாக மது பாட்டில்கள் விற்பனை செய்யப்படுவதாக போலீசாருக்கு பல்வேறு புகார்கள் வந்தன. இதன்பேரில் பாலவிடுதி போலீசார் அப்பகுதியில் அதிரடி சோதனை மேற்கொண்டனர். அப்போது அதே பகுதியை சேர்ந்த பாண்டியன் என்பவரது வீட்டில் சோதனை நடத்தினர். அப்போது அங்கு விற்பனைக்காக 400 மது பாட்டில்கள் பதுக்கி வைக்கப்பட்டு இருந்தது தெரியவந்தது.

மேலும், அதே பகுதியை சேர்ந்த சின்னத்தாயி என்பவரிடமிருந்து 20 மதுபாட்டில்களை போலீசார் பறிமுதல் செய்தனர். இந்த சம்பவம் தொடர்பாக அவர்கள் 2 பேர் மீதும் போலீசார் வழக்குப்பதிவு செய்து விசாரணை நடத்தி வருகிறார்கள்.