அந்தியூர் கால்நடை சந்தையில் காங்கேயம் காளை ஜோடி ரூ.1¼ லட்சத்துக்கு விற்பனை

அந்தியூர்

அந்தியூர் கால்நடை சந்தையில் காங்கேயம் காளை ஜோடி ரூ.1¼ லட்சத்துக்கு விற்பனை ஆனது.அந்தியூர் கால்நடை சந்தையில் காங்கேயம் காளை ஜோடி ரூ.1¼ லட்சத்துக்கு விற்பனை ஆனது.

அந்தியூர் கால்நடை சந்தை கூடியது. இதற்கு மேட்டூர், கொளத்தூர், பண்ணவாடி, எடப்பாடி, பர்கூர், ஈரோடு உள்பட பல்வேறு பகுதிகளில் இருந்து ஆயிரக்கணக்கான கால்நடைகளை பிடித்து வரப்பட்டன. இதில் காங்கேயம் காளை மாடு ஜோடி குறைந்தபட்ச விலையாக ரூ.80 ஆயிரத்துக்கும், அதிகபட்ச விலையாக ரூ.1 லட்சத்து 25 ஆயிரத்துக்கும், கொங்கு காளை மாடு ஜோடி குறைந்தபட்ச விலையாக ரூ.70 ஆயிரத்துக்கும், அதிகபட்ச விலையாக ரூ.1 லட்சத்துக்கும், நாட்டு பசு மாடு ஒன்று குறைந்தபட்ச விலையாக ரூ.30 ஆயிரத்துக்கும், அதிகபட்ச விலையாக ரூ.50 ஆயிரத்துக்கும் விலை போனது.

ஜெர்சி பசு மாடு ஒன்று ரூ.15 ஆயிரம் முதல் ரூ.35 ஆயிரம் வரையும், சிந்து பசுமாடு ஒன்று ரூ.20 ஆயிரம் முதல் ரூ.40 ஆயிரம் வரையும், பர்கூர் இன பசுமாடு ஒன்று ரூ.10 ஆயிரம் முதல் ரூ.20 ஆயிரம் வரையும், கன்றுக்குட்டிகள் ரூ.5 ஆயிரம் முதல் ரூ.15 ஆயிரம் வரையும் விற்பனை ஆனது.

ஈரோடு, திருப்பூர், பொள்ளாச்சி, மேட்டுப்பாளையம், கோவை உள்பட பல்வேறு பகுதிகளில் இருந்து வந்த வியாபாரிகள் ஆயிரக்கணக்கான கால்நடைகளை விலைபேசி பிடித்து சென்றனர்.