நெல்லை அருகே சரள் மண் கடத்தியவர் கைது

நெல்லை:

நெல்லை அருகே உள்ள தாழையூத்து போலீஸ் சப்-இன்ஸ்பெக்டர் சுடலைக்கண்ணு தலைமையில் போலீசார் குறிச்சிகுளம் பாலம் அருகே வாகன தணிக்கையில் ஈடுபட்டனர். அப்போது அந்த வழியாக வந்த டிப்பர் லாரியை நிறுத்தி சோதனை செய்ததில், சரள்மண் கடத்தி வந்தது தெரியவந்தது. இதுதொடர்பாக தாழையூத்து சர்க்கிள் ஆபீஸ் தெருவை சேர்ந்த பண்டாரம் (வயது 45) என்பவரை போலீசார் கைது செய்தனர். மேலும் 3 யூனிட் சரள் மண் மற்றும் டிப்பர் லாரி பறிமுதல் செய்யப்பட்டது.